منتدى شباب تجارة انجليزى بني سويف
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةالبوابةاليوميةالتسجيلدخول


شاطر | 
 

 قصة رائعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nada bns
 
 


عدد المساهمات : 20
نقاط : 5219
تاريخ التسجيل : 05/11/2009

مُساهمةموضوع: قصة رائعة   الأربعاء ديسمبر 16, 2009 9:44 pm

الشاب بيحكى القصه على لسانه اسيبكم بقى مع القصه
قصة حب حلوة

الحكاية بدأت من حوالى سنتين....
العفش بينزل من على العربية النقل...

وأنا واقف فى البلكونة.. وبسأل أمى (اللى كانت واقفة تنشر الغسيل): هو فى حد هيسكن هنا ولا إيــه يا أمـي؟
قالتلى: آه يا حبيبى دي الشقة اللي قصادنا
قلتلها: ويا ترى عرسان جداد ولا عيلة وبتعزل؟
قالتلى: والله يابني مانا عارفة
قلتلها: طيب.. يا خبر النهارده بفلوس.. بكرة يبقى بفلوس أكتر..

و بعد أسبوع......
أمى واقفة بتنشر الغسيل بردو.. وأنا واقف جنبها بردو.. وبتقوللي: مش السكان الجداد وصلوا خلاص
قلتلها: يا شيـــــخة!
قالتلي: اه.. مرات الراجل عدت عليا انهارده وسلمت عليا وعرفتنى بيهم
قلتلها: إيــه بقى عرسان جداد؟؟
قالتلي: لأ، دول أسرة.. عندهم ولدين وبنت
قلتلها: خير.. خير.. (والشر بيبظ من عينيّا)

و أثناء الحديث الشيق ده..
طلعت مامت الولاد من البلكونة.. ولما شافت أمي هزت راسها - بتسلم على أمى يعنى -.. وطبعا أمى ردتلها الهزة - بترد السلام يعنى -
وبعدين طلع ولد صغير ابتسم لنا أول ما شافنا....
أصل البلكونة فى وش البلكونة ... بس باين عليهم ناس طيبين أوي...
المهم.. الأم ندهت لبنتها...
الحقيقة أنا كنت أول مرة فى حياتى أسمع الاسم اللى هي ندهت بيه..
أول مرة أعرف أن فيه بنت اسمها كده أصلا...

الام بتنده: يــــــا سلسبيل
اسم جامد مووووووت... عجبنى الاسم أوى... وبدعي ربنا تكون سلسبيل حلوة زي اسمها..
وطلعت سلسبيل من ورا الستارة فـى حركة Slow Motion من بتاعة الأفلام..
وأنا متنح تتنيحة سودة... سلسبيل طلعت أحلى من اسمها.. جميلة جمال لا يوصف... ناصعة البياض..
مش قادر ارفع عيني من عليها.. مينفعش ارفع عيني من عليها أصلا...
فضلت متنح لحد ما شافتنا أنا وأمي..
لما شافت أمى ابتسمت لها..

ولما شافتنى زى ما تكون شافت عفريت ودخلت على جوه جري...

وتمر الأيام..
ومشكلتي أن البلكونة بتاعتنا تدخلها من أوضتي.. عشان كده فى الرايحة والجاية أبص اشوف سلسبيل واقفة ولا لأ..
ساعة ما ألاقيها واقفة.. أطلع البلكونة..
مرة اعمل نفسى بتكلم فى التليفون.. أو بشم الهوا مثلا -مع إن الدنيا تراب وعفرة- أو بلعب عشر ضغط.. أى تلكيكة والسلام
الغريب أنها كانت فى الأول لما تشوفني تروح داخلة جري على جوة..
لكن بعد فترة لاحظت إنها مكانتش بتدخل أول ما تشوفني.. وكانت بتفضل واقفة هى كمان...
بقيت فى عز الشمس أقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام سلسبيل واقفة... ارمى نظرة.. ابتسامة.. أشاور
و كانت هى بتكتفي بالابتسام وعلامات الخجل...

و ف يوم من ذوات الأيام..
بشاورلها.. شاورتلي
بقيت هطير م الفرحة.. سلسبيل شاورتلي ياجدعان...
قعدت اطنطط ع السقف وأقول وحياة قلبي وأفراحه..
و هبا إيـه هبا آاه.. إن شاء الله هنظبط
إمتى بقى أتكلم معاها ونهظر سوا...

لحد ما جه اليوم...
أنا راجع م الكلية.. وعلى أول الشارع شفت أمي واقفة مع مامت سلسبيل..
والمفاجاة: سلسبيل واقفة معاهم
لقيت نفسي بجري زي شخصيات الكرتون.. نصي التحتاني بيجري قبل نصي الفوقانى تشووووووووو...
لحد ما بقيت عندهم.. عرقان طبعا وبنهج وحالتي حالة...
نزلت عليهم زي الباراشوط..
إزيك ياماما.. إزيك يا طنط عاملين إيه...
وبصيت لسلسبيل.. كانت بصّالي وبتضحك..
كانت زي القمر اليوم ده.. ولابسة تي شيرت حمالات -أصل الجو كان حر أوي اليوم ده-
قلتلها: ازيك يا سلسبيل؟!
وكان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد إيديها وبتسلم عليا...
وبتقولى: الحمد لله.. ازيك أنت؟؟!
رحت مسلم عليها....
وقلتلها: الله يسلم قلبك يا روح قلبي..
و رحت بايس إيديها....
و رحت شايلها...........
و قلتلها: إنتى عندك كام سنة بقى؟؟


قالتلى عندى 3 سنين

رحت بايسها تانى وأنا هطير من الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وأنا وسلسبيل أصحاب... كل ما تطلع البلكونة نلعب ونهزر مع بعض
7
7
7
7
7
7
7
(منقول)


_________________
الرجوع الى أعلى الصفحة اذهب الى الأسفل
M.G.I
 
 


عدد المساهمات : 277
نقاط : 5729
تاريخ التسجيل : 21/10/2009
العمر : 25

مُساهمةموضوع: ايه الحلاوه دى   الخميس ديسمبر 17, 2009 4:08 am

ايه المواهب دى انا اول مره اعرف ان احنا معانا فى المنتدى م}لفين كوميدى كبار كده

ههههههههههههههههههههههههههههه لا بجد الله ينور
الرجوع الى أعلى الصفحة اذهب الى الأسفل
Nodyyyy
 
 


عدد المساهمات : 231
نقاط : 5512
تاريخ التسجيل : 30/10/2009
العمر : 24
الموقع : in my room

مُساهمةموضوع: رد: قصة رائعة   الإثنين ديسمبر 21, 2009 12:47 am

ههههههههههههههههه

جامده اخر حاجه
تسلم ايدك يا قمر
الرجوع الى أعلى الصفحة اذهب الى الأسفل
admin
 
 


عدد المساهمات : 625
نقاط : 6093
تاريخ التسجيل : 12/10/2009

مُساهمةموضوع: رد: قصة رائعة   الإثنين ديسمبر 21, 2009 12:56 am

ههههههههههههههه لا والله قصة حلوة اوى انا اول مرة اقراها النهاردة Very Happy
الرجوع الى أعلى الصفحة اذهب الى الأسفل
http://shababenglizy.ibda3.org
د\تاليا
 
 


عدد المساهمات : 89
نقاط : 5152
تاريخ التسجيل : 21/01/2010
العمر : 24
الموقع : جنب النخلة اللى قلبوها شجرة

مُساهمةموضوع: رد: قصة رائعة   الجمعة يناير 22, 2010 5:29 am

هههههههههههههههههه

انا قولت ياربى هى قلبت لية كدة فى الاخر بس جامدة

نايس توبيك
الرجوع الى أعلى الصفحة اذهب الى الأسفل
M07amed-El.M@sriy
 
 


عدد المساهمات : 182
نقاط : 5290
تاريخ التسجيل : 31/12/2009
العمر : 24
الموقع : mohammed_elmasriy@yahoo.com

مُساهمةموضوع: رد: قصة رائعة   الجمعة يناير 22, 2010 5:40 am

والله انت يا ندى الى تلعطى احلى من اى حاجة بموضوك الجااااامد ده ,,, مشكوووووووووورة ونتمنى منك الاحلى والاجمل والافضل ...الخ .

farao
الرجوع الى أعلى الصفحة اذهب الى الأسفل
 
قصة رائعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب تجارة انجليزى بني سويف :: المنتديات الادبية :: قسم الحب والرومانسية-
انتقل الى: